کوالالمپور میں پاکستان کا یوم دفاع اور ملائشیا کا یوم آزادی منایا گیا

پاکستان پریس کلب ملایشیا چیپٹر اور PFUJ ملائشیا چیپٹر کے زیر اہتمام ملائشیا کے شہر کوالالمپور میں پاکستان کا یومِ دفاع اور ملائشیا کا یوم آزادی منایا گیا ۔
اس پروگرام میں پاکستانی کمیونٹی کے ساتھ ساتھ ملائشین کمیونٹی نے بھی شرکت کی ۔
معروف ملائشین بزنس مین اور سیاستدان داتو حاجی لقمان نور آدم نے بطور مہمان خصوصی شرکت کی ۔
تقریب کے آغاز میں تلاوت و نعت کے بعد دونوں ممالک کے قومی نغمے چلائے گئے ، شرکا نے حاضرین سے خطاب کرتے ہوئے پاکستان کے یوم دفاع اور ملائشیا کے یومِ آزادی کی مبارکباد پیش کی ۔
بعد ازاں پاکستان سے خصوصی طور پر آئی ہوئی قوال پارٹی نے جنگی ترانے اور صوفیانہ کلام سنا کر حاضرین کو محظوظ کیا ۔