بلوچستان میں لرزہ خیز واقعہ، 15 سالہ بیوی شوہر کے ہاتھوں قتل

کچلاک میں مبینہ طور پر شوہر نے اپنی 15 سالہ بیوی کو چاقو اور خنجروں کے وار کرکے قتل کردیا،ذرائع بولتا بلوچستان کے مطابق مقتولہ کی شادی تقریباً دو سال قبل ہوئی تھی اور وہ ملزم کی دوسری بیوی تھی۔

ذرائع کے مطابق واقعے کے بعد ایس ایچ او جمیل بازئی نے کارروائی کرتے ہوئے مبینہ ملزم کامران ولد عبد الستار کو گرفتار کرلیا ملزم کا تعلق چمن سے بتایا جاتا ہے جبکہ پولیس ذرائع کے مطابق وہ اس سے قبل بھی اشتہاری رہ چکا ہے۔

پولیس نے ملزم کو حراست میں لے کر واقعے کی مزید تفتیش شروع کردی ہے، جبکہ قتل کے محرکات جاننے کی کوشش کی جارہی ہے۔