میر عبداللہ جان بزنجو کے انتقال پر زبیر زامرانی کا اظہارِ تعزیت

مسلم لیگ ن یوتھ ونگ مکران ڈویژن کے صدر زبیر زامرانی نے سابق وزیر اعلیٰ بلوچستان و سینیٹر میر عبدالقدوس بزنجو، بزنجو کاروان کے سرپرست اعلیٰ میر جمیل احمد بزنجو اور میر عبدالوہاب بزنجو کے چچا میر عبداللہ جان بزنجو کے انتقال پر اظہارِ تعزیت، دلی افسوس اور گہرے رنج و غم کا اظہار کیا ہے۔

زبیر زامرانی نے اپنے تعزیتی پیغام میں سوگوار خاندان سے ہمدردی اور دلی تعزیت کا اظہار کرتے ہوئے کہا کہ وہ اس مشکل اور غم کی گھڑی میں اہل خانہ کے ساتھ ہیں اور ان کے دکھ میں برابر کے شریک ہیں۔

انہوں نے اللہ تعالیٰ سے دعا کی کہ مرحوم کی مغفرت فرمائے، انہیں اپنی رحمت میں جگہ عطا فرمائے اور جنت الفردوس میں اعلیٰ مقام نصیب فرمائے، جبکہ سوگوار خاندان اور تمام پسماندگان کو یہ صدمہ برداشت کرنے کے لیے صبر و حوصلہ عطا فرمائے۔ آمین۔