مستونگ میں دتو موڑ کے قریب 5 لاشیں برآمد

مستونگ: دتو موڑ کے قریب قومی شاہراہ سے پانچ لاشیں برآمد ہوئی ہیں، جنہیں مبینہ طور پر نامعلوم افراد رات گئے وہاں چھوڑ کر فرار ہوگئے۔

ذرائع کے مطابق لاشیں شہید نواب غوث بخش میموریل اسپتال سے تقریباً ایک کلومیٹر کے فاصلے پر موجود ہیں، تاہم کئی گھنٹے گزرنے کے باوجود انہیں اسپتال منتقل نہیں کیا جاسکا۔

ذرائع کا کہنا ہے کہ سیکیورٹی خدشات کے باعث اسپتال انتظامیہ کی جانب سے لاشیں اٹھانے کے لیے ریسکیو ٹیم روانہ نہیں کی گئی۔ اس صورتحال کے باعث لاشیں تاحال جائے وقوعہ پر موجود ہیں۔

واقعے کے بعد علاقے میں تشویش پائی جارہی ہے، جبکہ شہریوں نے مطالبہ کیا ہے کہ سیکیورٹی صورتحال کو مدنظر رکھتے ہوئے لاشوں کو جلد از جلد اسپتال منتقل کرکے ضروری قانونی کارروائی مکمل کی جائے۔