مسلم باغ: کلی خاتوکہ میں ہیضہ کی صورتحال، 12 سالہ بچی جاں بحق، دو خواتین کوئٹہ منتقل

مسلم باغ: کلی خاتوکہ میں ہیضہ کی صورتحال، اسسٹنٹ کمشنر ماجد سلیم کے فوری اقدامات
مسلم باغ: کلی خاتوکہ میں ہیضہ کی وبائی صورتحال کے باعث ایک 12 سالہ بچی جاں بحق ہو گئی، جبکہ دو خواتین کی حالت تشویشناک ہونے پر انہیں مزید علاج کے لیے کوئٹہ ریفر کر دیا گیا۔
واقعے کی اطلاع ملتے ہی اسسٹنٹ کمشنر مسلم باغ ماجد سلیم نے فوری طور پر محکمۂ صحت کی ٹیم اور طبی عملے کو ہنگامی بنیادوں پر کلی خاتوکہ روانہ کیا، جہاں متاثرہ افراد کو طبی امداد فراہم کرنے اور صورتحال کا جائزہ لینے کے لیے اقدامات جاری ہیں۔
اسسٹنٹ کمشنر ماجد سلیم نے متعلقہ حکام کو ہدایت کی کہ متاثرہ علاقے میں طبی سہولیات، ضروری ادویات اور احتیاطی اقدامات کو یقینی بنایا جائے تاکہ بیماری کے مزید پھیلاؤ کو روکا جا سکے۔
عوامی خدمت اور شہریوں کی مشکلات کے ازالے کے لیے اسسٹنٹ کمشنر ماجد سلیم ہر وقت متحرک اور موجود ہیں، اور کسی بھی ہنگامی صورتحال میں فوری اقدامات کو یقینی بنایا جا رہا ہے۔