ریاست مخالف پریس کانفرنس کا الزام، ڈاکٹر عائشہ فیض گرفتار

کوئٹہ: سابق پولیس سرجن ڈاکٹر عائشہ فیض کے خلاف ریاست مخالف پریس کانفرنس کرنے کے الزام میں انسداد دہشت گردی ایکٹ کے تحت مقدمہ درج کرلیا گیا ہے۔

پولیس ذرائع کے مطابق ڈاکٹر عائشہ فیض کے خلاف مقدمہ سی ٹی ڈی تھانے میں درج کیا گیا، جس کے بعد انہیں سریاب روڈ پر واقع رہائش گاہ سے گرفتار کرلیا گیا۔

ذرائع کا کہنا ہے کہ ڈاکٹر عائشہ فیض پر ریاست مخالف پریس کانفرنس کرنے کا الزام عائد کیا گیا ہے، جس کی بنیاد پر ان کے خلاف قانونی کارروائی عمل میں لائی گئی۔

پولیس کے مطابق مقدمے میں انسداد دہشت گردی ایکٹ کی دفعات شامل کی گئی ہیں جبکہ مزید قانونی کارروائی جاری ہے۔