پشین: زیارت کراس کے قریب ڈی سی ہرنائی کے اسکواڈ کی گاڑی پر فائرنگ، 2 محافظ زخمی

پشین: زیارت کراس کے قریب مسلح افراد نے ڈپٹی کمشنر ہرنائی کے اسکواڈ کی گاڑی پر فائرنگ کردی، جس کے نتیجے میں دو محافظ زخمی ہوگئے۔

پولیس کے مطابق زخمی اہلکاروں میں نصراللہ اور دوست محمد شامل ہیں۔ دونوں زخمیوں کو طبی امداد کیلئے اسپتال منتقل کردیا گیا۔

پولیس کا کہنا ہے کہ اسکواڈ کی گاڑی ڈپٹی کمشنر ہرنائی کو کوئٹہ پہنچانے کے بعد واپس ہرنائی جارہی تھی کہ زیارت کراس کے قریب اسے فائرنگ کا نشانہ بنایا گیا۔

واقعے کے حوالے سے مزید تحقیقات جاری ہیں، تاہم سرکاری سطح پر فائرنگ کے واقعے اور زخمی اہلکاروں سے متعلق اطلاعات کی تاحال تصدیق نہیں ہوسکی۔