جے یو آئی ضلع کوئٹہ کا تنظیمی اجلاس 3 ستمبر کو طلب، عوامی مسائل اور آئندہ لائحہ عمل پر غور ہوگا،عبدالرحمن رفیق

کوئٹہ: جمعیت علماء اسلام ضلع کوئٹہ نے عوامی مسائل کے حل اور تنظیمی سرگرمیوں کو مزید مؤثر بنانے کے لیے اقدامات تیز کردیئے ہیں، جبکہ مختلف سماجی کمیٹیوں نے بھی اپنی ذمہ داریاں انجام دینا شروع کردی ہیں۔

اس سلسلے میں جمعیت علماء اسلام ضلع کوئٹہ کے امیر مولانا عبدالرحمن رفیق نے ضلع بھر کے تمام یونٹوں اور تحصیلوں کے امراء و نظماء کا اہم اجلاس 3 ستمبر کو سہ پہر 3 بجے ضلعی سیکریٹریٹ، اینگل روڈ کوئٹہ میں طلب کرلیا ہے۔

اجلاس میں ضلع بھر میں جاری تنظیمی سرگرمیوں، عوامی مسائل کے حل کے لیے قائم سماجی کمیٹیوں کی کارکردگی اور یونٹ و تحصیل کی سطح پر تنظیمی امور کا جائزہ لیا جائے گا۔ اس کے علاوہ عوامی رابطہ مہم کو مزید مؤثر بنانے اور آئندہ کے لائحہ عمل پر بھی مشاورت ہوگی۔

ضلعی جنرل سیکریٹری حاجی عین اللہ شمس نے تمام امراء و نظماء سے اپیل کی ہے کہ وہ اجلاس میں مقررہ وقت پر اپنی شرکت یقینی بنائیں تاکہ باہمی مشاورت سے تنظیمی امور کو مزید بہتر انداز میں آگے بڑھایا جاسکے۔

انہوں نے کہا کہ جمعیت علماء اسلام ضلع کوئٹہ عوامی مسائل کے حل اور شہریوں کو درپیش مشکلات کے ازالے کو ترجیح دیتے ہوئے مربوط حکمت عملی کے تحت عملی اقدامات جاری رکھے گی۔ ان کا کہنا تھا کہ یونٹ سے ضلعی سطح تک جماعتی نظم و نسق کو مضبوط بنانا اور کارکنوں و عوام کے درمیان رابطے کو مزید مستحکم کرنا وقت کی اہم ضرورت ہے۔