لورالائی ایرانی پٹرول پمپس، تندور اور گوشت کی دکانوں کے خلاف کارروائی، دو پمپس سیل

لورالائی(میاں محمدعامربشیر آرائیں)ڈپٹی کمشنر لورالائی محمد حسیب شجاع کی خصوصی ہدایت پر اسسٹنٹ کمشنر لورالائی ندیم اکرم کی سربراہی میں ایرانی پٹرول پمپس، تندور اور گوشت و مٹن کی دکانوں کے خلاف کارروائی کی گئی۔کارروائی کے دوران مختلف مقامات پر پٹرول پمپس، تنوروں اور گوشت کی دکانوں کا معائنہ کیا گیا۔ ضلعی انتظامیہ کی جانب سے قوانین کی خلاف ورزی کرنے والے عناصر کے خلاف کارروائی عمل میں لائی گئی، جبکہ دو ایرانی پٹرول پمپس کو سیل کر دیا گیا۔اسسٹنٹ کمشنر ندیم اکرم نے کہا کہ عوام کو معیاری اشیائے خورونوش کی فراہمی اور قوانین پر عملدرآمد یقینی بنانے کے لیے کارروائیاں بلاامتیاز جاری رہیں گی۔ انہوں نے متعلقہ دکانداروں اور کاروباری افراد کو ہدایت کی کہ وہ حکومتی قوانین اور ضابطوں کی مکمل پابندی کریں، بصورت دیگر سخت کارروائی کا سامنا کرنا پڑے گا۔