دکی میں کوئلہ کان کے اندر گیس بھرنے سے 3 کان کن جاں بحق

دکی: دکی کے معراج کول ایریا میں واقع مقامی کوئلہ کان میں گیس بھر جانے کے باعث تین کان کن جاں بحق ہوگئے۔

حادثے کے بعد امدادی کارروائی کرتے ہوئے جاں بحق کان کنوں کی لاشیں کان سے نکال کر سول اسپتال دکی منتقل کردی گئیں۔

جاں بحق کان کنوں کی شناخت عیسیٰ خان ولد پائے محمد قوم بارکزئی، ساکن افغانستان، سراج الدین ولد فتح محمد قوم اچکزئی، ساکن پشین، اور شمس اللہ ولد عبداللہ قوم علیزئی، ساکن افغانستان کے نام سے ہوئی ہے۔

حادثے کے بعد متعلقہ اداروں نے واقعے کی وجوہات جاننے کے لیے کارروائی شروع کردی ہے۔