ڈیرہ مراد جمالی میں گیس سلنڈر دھماکا، ایک ہی خاندان کے پانچ افراد زخمی

ڈیرہ مراد جمالی میں گیس سلنڈر دھماکا، ایک ہی خاندان کے پانچ افراد زخمی

ڈیرہ مراد جمالی سید عاشق رسول شاہ محلہ میں گھر کے اندر گیس سلنڈر اچانک زور دار دھماکے سے پھٹ گیا، جس کے نتیجے میں بچوں سمیت ایک ہی خاندان کے پانچ افراد زخمی ہوگئے۔

ذرائع کے مطابق واقعہ رات گئے پیش آیا، جہاں گیس سلنڈر پھٹنے سے گھر میں موجود افراد متاثر ہوئے۔ زخمیوں کا تعلق ابڑو قبیلے سے بتایا جاتا ہے۔

واقعے کے فوری بعد زخمیوں کو ٹراما سینٹر ڈیرہ مراد جمالی منتقل کیا گیا، جہاں ڈاکٹر نصیر احمد عمرانی اور پیرا میڈیکل اسٹاف نے انہیں فوری طبی امداد فراہم کی۔

واقعے کی اطلاع ملنے پر ڈسٹرکٹ ہیلتھ آفیسر نصیر آباد ڈاکٹر ایاز جمالی بھی سول ہسپتال ڈیرہ مراد جمالی پہنچ گئے اور زخمیوں کو فراہم کی جانے والی طبی سہولیات کا جائزہ لیا۔