کوئٹہ سمیت پورے بلوچستان میں سیکیورٹی کا نیا ماسٹر پلان تیار، وزیر داخلہ کا بڑا حکم جاری

کوئٹہ سمیت پورے بلوچستان میں سیکیورٹی کا نیا ماسٹر پلان تیار، وزیر داخلہ کا بڑا حکم جاری

کوئٹہ: وزیر داخلہ بلوچستان میر ضیاء اللہ لانگو کی زیرصدارت 12 ربیع الاول کے موقع پر سیکیورٹی انتظامات سے متعلق اہم اجلاس منعقد ہوا، جس میں ڈی آئی جی کوئٹہ عمران شوکت سمیت محکمہ داخلہ کے حکام نے شرکت کی۔

صوبے کے دیگر اضلاع کے تمام ڈی آئی جیز اور کمشنرز نے ویڈیو لنک کے ذریعے اجلاس میں شرکت کی۔ اجلاس میں 12 ربیع الاول کے موقع پر صوبے بھر میں امن و امان اور سیکیورٹی کی صورتحال کا تفصیلی جائزہ لیا گیا۔

اجلاس میں جلوسوں کی گزرگاہوں، مجالس اور اہم مقامات پر سیکیورٹی انتظامات سے متعلق متعلقہ حکام نے بریفنگ دی۔

وزیر داخلہ میر ضیاء اللہ لانگو نے کہا کہ امن و امان برقرار رکھنا اور عوام کے جان و مال کا تحفظ حکومت کی اولین ذمہ داری ہے۔

انہوں نے واضح کیا کہ 12 ربیع الاول کے موقع پر سیکیورٹی انتظامات میں کسی قسم کی کوتاہی برداشت نہیں کی جائے گی۔

وزیر داخلہ نے ضلعی انتظامیہ اور پولیس حکام کو ہدایت کی کہ باہمی رابطے اور مؤثر حکمت عملی کے تحت سیکیورٹی پلان پر مکمل عملدرآمد یقینی بنایا جائے۔