گاؤں ماسٹر احمد نواز جمالی میں بلیک ٹاپ روڈ مکمل، علاقہ مکینوں کا اظہار تشکر

گنداخہ(نورحسن جمالی) رکن قومی اسمبلی میر خان محمد خان جمالی کے ترقیاتی فنڈ سے اور نوجوان قیادت میر قیص خان جمالی کی تجویز پر گاؤں ماسٹر احمد نواز جمالی میں بلیک ٹاپ روڈ کا منصوبہ مکمل کرلیا گیا ہے۔سڑک کی تعمیر سے گاؤں کے مکینوں کو آمدورفت میں درپیش مشکلات میں نمایاں کمی آئے گی اور عوام کو بہتر سفری سہولت میسر ہوگی۔ پختہ سڑک کی سہولت علاقے کے عوام کی دیرینہ ضرورت تھی، جس کی تکمیل پر گاؤں کے مکینوں میں خوشی کی لہر دوڑ گئی۔اس موقع پر گاؤں کی معزز شخصیت استاد احمد نواز خان جمالی اور دیگر علاقہ مکینوں نے رکن قومی اسمبلی میر خان محمد خان جمالی اور نوجوان قیادت میر قیص خان جمالی کا تہہ دل سے شکریہ ادا کرتے ہوئے کہا کہ علاقے میں بلیک ٹاپ روڈ کی تعمیر ایک اہم عوامی اقدام ہے۔
انہوں نے کہا کہ میر خان محمد خان جمالی نے اپنے ترقیاتی فنڈ سے عوامی مسائل کے حل اور بنیادی سہولیات کی فراہمی کے لیے عملی اقدامات کیے ہیں، جبکہ میر قیص خان جمالی کی تجویز پر گاؤں میں سڑک کی تعمیر سے عوام کو براہِ راست فائدہ پہنچا ہے۔انہوں نے کہا کہ عوامی فلاح و بہبود کے ایسے منصوبے علاقے کی ترقی اور خوشحالی میں اہم کردار ادا کرتے ہیں، جبکہ پختہ سڑک کی تعمیر سے نہ صرف آمدورفت آسان ہوگی بلکہ گاؤں کے عوام کو روزمرہ زندگی میں بھی سہولت حاصل ہوگی