جھل مگسی سے گنداواہ بجلی کی لائن کا کام تشنہ تکمیل کا شکار

گنداواہ(نامہ نگار) گنداواہ ضلع جھل مگسی کا مرکزی تجارتی اور صدر مقام شہر ہے جس کی آبادی میں روز بروز اضافے کے ساتھ ساتھ مسائل بھی بڑھتے جارہے ہیں ان مسائل میں دیرینہ مسئلہ بجلی کا ہے عوام کے مشکلات کو مدنظر رکھتے ہوئے ڈپٹی کمشنر جھل مگسی سید رحمت اللہ شاہ، کرنل ایف سی 151 ونگ محمد عاصم نے بلوچستان اسپیشل ڈویلپمنٹ انیشیٹو (BSDI) کے تحت جھل مگسی سے گنداواہ تک بجلی کی لائن کیلئے فنڈز مختص کئے جس کی عوام نے خوب پزیرائی کی اور خوش آئند اقدام قرار دیا مگر شو مئی قسمت کہ ابتک ضلعی انتظامیہ کی جانب سے سی ای او کیسکو کوئٹہ کو مختص فنڈز کا لیٹر ارسال نہ کرنے کہ باعث لائن کا کام شروع نہ ہوسکا جس کی وجہ سے عوام میں شدید مایوسی کی لہر دوڑ گئی ہے عوامی سماجی حلقوں نے ڈپٹی کمشنر جھل مگسی اور کرنل ایف سی 151 ونگ سے پرزور مطالبہ کیا ہے کہ جھل مگسی سے گنداواہ بجلی کی مین لائن کا کام جلد از جلد شروع کروایا جائے