ماچھیوال: ایس ایچ او مہتاب عالم کی تعیناتی کے بعد جرائم میں نمایاں کمی

ماچھیوال(نمائندہ خصوصی)گلوبل ٹائمز میڈیا یورپ کے مطابق تھانہ ماچھیوال میں ایس ایچ او مہتاب عالم کی تعیناتی کے بعد علاقے میں جرائم کی شرح میں نمایاں کمی ریکارڈ کی گئی ہے۔ ایس ایچ او کی فعال پولیسنگ اور دانشمندانہ حکمت عملی کی بدولت ماچھیوال اور گردونواح میں پُرسکون ماحول قائم ہو گیا ہے۔ ایس ایچ او مہتاب عالم نے چارج سنبھالتے ہی جرائم پیشہ عناصر کے خلاف کریک ڈاؤن شروع کیا اور چیکنگ پوائنٹس کو مزید فعال کیا۔ اس کے علاوہ علاقہ معززین کے ساتھ ملاقاتیں کر کے عوامی رابطہ مہم بھی شروع کی جس سے پولیس اور عوام کے درمیان اعتماد بحال ہوا۔مقامی شہریوں کا کہنا ہے کہ پہلے کی نسبت اب رات کے اوقات میں بھی گشت میں اضافہ دیکھنے کو ملا ہے اور 15 پر بروقت رسپانس مل رہا ہے۔ چوری، ڈکیتی اور راہزنی کے واقعات میں واضح کمی آئی ہے اہل علاقہ نے ایس ایچ او مہتاب عالم کی کارکردگی کو سراہتے ہوئے کہا کہ ان کی محنت اور لگن سے ماچھیوال میں امن قائم ہوا ہے۔ شہریوں نے آر پی او ملتان اور ڈی پی او وہاڑی سے مطالبہ کیا ہے کہ ایس ایچ او مہتاب عالم کی خدمات کو سراہا جائے تاکہ ان کی حوصلہ افزائی ہو۔پولیس حکام کا کہنا ہے کہ ماچھیوال میں امن و امان کے قیام کے لیے مزید اقدامات کیے جا رہے ہیں تاکہ عوام کو بہتر تحفظ فراہم کیا جا سکے۔