کوئٹہ ایئرپورٹ روڈ کا تاریخی کلاک ٹاور مسمار، شہریوں میں افسوس کی لہر

کوئٹہ ایئرپورٹ روڈ کا تاریخی کلاک ٹاور مسمار، شہریوں میں افسوس کی لہر

کوئٹہ: ایئرپورٹ روڈ پر بی اے مال کے سامنے قائم تاریخی کلاک ٹاور کو حکومت کی جانب سے راتوں رات مسمار کر دیا گیا، جس پر شہریوں میں افسوس کا اظہار کیا جا رہا ہے۔

شہریوں کا کہنا ہے کہ یہ کلاک ٹاور محض ایک عمارت نہیں بلکہ کوئٹہ شہر کی شناخت، یادوں اور ماضی کی ایک خوبصورت علامت تھا، جو کئی برسوں سے اس مقام کی پہچان بنا ہوا تھا۔

عوامی حلقوں کے مطابق شہر کی ترقی ضروری ہے، تاہم ترقیاتی منصوبوں کے دوران تاریخی اور ثقافتی یادگاروں کو محفوظ رکھنے پر بھی توجہ دینی چاہیے۔

شہریوں کا کہنا ہے کہ اب اس جگہ پر کیا تعمیر کیا جائے گا، یہ وقت بتائے گا، لیکن ایئرپورٹ روڈ سے گزرتے ہوئے وہ تاریخی گھڑی اب دوبارہ نظر نہیں آئے گی۔

کلاک ٹاور تو ختم ہوگیا، مگر اس سے وابستہ شہریوں کی یادیں اور جذبات شاید ہمیشہ باقی رہیں گے۔