گنداواہ: بی ایس ڈی آئی کے تحت پی ایچ ای کے ترقیاتی منصوبوں کی ٹینڈرنگ شفاف انداز میں مکمل

گنداواہ
بی ایس ڈی آئی کے تحت پی ایچ ای کے ترقیاتی منصوبوں کی ٹینڈرنگ شفاف انداز میں مکمل
گنداواہ (رپورٹ شیر احمد ساسولی نمائندہ صحافت) ایکسیئن پبلک ہیلتھ انجینئرنگ (پی ایچ ای) جھل مگسی شکیل احمد انصاری کی نگرانی میں بلوچستان اسپیشل ڈویلپمنٹ انیشیٹو (BSDI) کے تحت پی ایچ ای آفس گنداواہ میں ترقیاتی منصوبوں کی ٹینڈرنگ کا عمل شفاف انداز میں مکمل کیا گیا۔
اس موقع پر ایس ڈی او پی ایچ ای جھل مگسی محمد طاہر لہڑی، ایس ڈی او پی ایچ ای گنداواہ عبد الخالق آرائیں، صحافی برادری، سرکاری کنٹریکٹرز اور متعلقہ ٹھیکیدار بھی موجود تھے۔
ٹینڈرنگ کے عمل کے دوران تمام بولیاں مقررہ قواعد و ضوابط کے مطابق حاضرین کی موجودگی میں اوپن کی گئیں تاکہ شفافیت اور میرٹ کو یقینی بنایا جا سکے۔ اس موقع پر متعلقہ افسران نے کہا کہ بلوچستان اسپیشل ڈویلپمنٹ انیشیٹو (BSDI) کے تحت جاری ترقیاتی منصوبوں میں مکمل شفافیت، میرٹ اور قانون کی پاسداری کو ہر صورت یقینی بنایا جائے گا تاکہ عوام کو معیاری اور بروقت سہولیات فراہم کی جا سکیں۔