آزاد کشمیر انتخابات، ن لیگ نے 14 سیٹوں کے ساتھ میدان مار لیا، پیپلز پارٹی کی 5 نشستیں

آزاد کشمیر قانون ساز اسمبلی کے انتخابات کے دوسرے مرحلے میں مسلم لیگ (ن) نے واضح برتری حاصل کرلی۔ غیر حتمی اور غیر سرکاری نتائج کے مطابق 20 حلقوں میں سے 19 کے نتائج سامنے آگئے ہیں، جن میں مسلم لیگ (ن) نے 14 نشستیں جبکہ پاکستان پیپلز پارٹی نے 5 نشستیں حاصل کی ہیں۔

خراب موسم اور لینڈ سلائیڈنگ کے باعث حلقہ ایل اے 28 مظفرآباد 2 لچھراٹ کے بعض پولنگ اسٹیشنز پر پولنگ ملتوی کردی گئی، جہاں ووٹنگ کا عمل بعد میں مکمل کیا جائے گا۔

الیکشن کمیشن کے مطابق مظفرآباد ڈویژن اور مہاجرین کی نشستوں پر پولنگ ہوئی، تاہم بعض علاقوں میں خراب موسمی صورتحال کے باعث انتخابی عمل متاثر ہوا۔ ملتوی کیے گئے پولنگ اسٹیشنز کا انتخابی سامان اور سیل شدہ بیگز ریٹرننگ افسران نے اپنی تحویل میں لے لیے ہیں۔

غیر حتمی نتائج کے مطابق مسلم لیگ (ن) کے کئی اہم امیدوار کامیاب قرار پائے، جبکہ پیپلز پارٹی نے بھی بعض حلقوں میں کامیابی حاصل کی۔ انتخابی نتائج کا حتمی اعلان الیکشن کمیشن کی جانب سے مکمل جانچ پڑتال کے بعد کیا جائے گا۔