سوات: کبل تھانے کے قریب دھماکہ، متعدد افراد زخمی، ہلاکتوں کا خدشہ

سوات: خیبر پختونخوا کے ضلع سوات میں کبل پولیس تھانے کے مرکزی گیٹ کے قریب دھماکے کے نتیجے میں متعدد افراد زخمی ہو گئے، جبکہ ہلاکتوں کا بھی خدشہ ظاہر کیا جا رہا ہے۔

پولیس کے مطابق دھماکے کے بعد امدادی کارروائیاں فوری طور پر شروع کر دی گئیں اور زخمیوں کو مختلف اسپتالوں میں منتقل کیا جا رہا ہے۔

پولیس کا کہنا ہے کہ زخمیوں میں پولیس اہلکاروں کے علاوہ شہری اور بچے بھی شامل ہیں۔

واقعے کے بعد سکیورٹی فورسز نے علاقے کو گھیرے میں لے لیا ہے، جبکہ دھماکے کی نوعیت اور اس کے اسباب کا تعین کرنے کے لیے تحقیقات جاری ہیں۔