پیپلز پارٹی کشمیر میں جمہوریت کے استحکام اور کشمیریوں کے سیاسی و بنیادی حقوق کی ضامن ہے‘بخت محمد کاکڑ

پاکستان پیپلزپارٹی کے مرکزی رہنما صوبائی وزیر صحت بخت محمد کاکڑ پاکستان پیپلز پارٹی بلوچستان کے صوبائی صدر سینیٹر سردار عمر گورگیج، جنرل سیکرٹری ربانی خان کاکڑ، کاکڑ، وزیراعلیٰ بلوچستان کے فوکل پرسن سید اقبال شاہ , کوئٹہ ڈویڑن کے صدرخیر محمد ترین ,صوبائی رہنما حیات خان اچکزئی نے دیگر سینئر پارٹی رہنماو¿ں کے ہمراہ کشمیر انتخابات کے سلسلے میں کوئٹہ میں قائم پولنگ اسٹیشن کا دورہ کیا۔اس موقع پر پارٹی رہنماو¿ں نے انتخابی عمل ، ووٹنگ کے طریقہ کار ودیگر انتظامات کا جائزہ لیا۔رہنماو¿ں کا کہنا تھا کہ آزاد جموں و کشمیر کے انتخابات میں کشمیری عوام کا جوش و خروش اس بات کا ثبوت ہے کہ وہ اپنے جمہوری حق کا استعمال پوری بیداری کے ساتھ کر رہے ہیں۔ پاکستان پیپلز پارٹی نے ہمیشہ کشمیری عوام کے حقوق اور ان کے حقِ خودارادیت کی ترجمانی کی ہے۔ بانی چیئرمین شہید ذوالفقار علی بھٹو اور شہید محترمہ بے نظیر بھٹو کا کشمیر کے معاملے پر مو¿قف تاریخ کا روشن باب ہے، اور آج بھی چئیرمین بلاول بھٹو زرداری کی قیادت میں پارٹی کشمیریوں کے شانہ بشانہ کھڑی ہے۔انہوں نے کہا کہ پیپلز پارٹی کشمیر میں جمہوریت کے استحکام اور کشمیریوں کے سیاسی و بنیادی حقوق کی ضامن ہے، اور ان شاءاللہ ان انتخابات میں پیپلز پارٹی شاندار کامیابی حاصل کرے گی۔ دورے کے دوران رہنماو¿ں نے پولنگ عملے، ووٹرز اور پارٹی کارکنان سے ملاقاتیں بھی کیں اور انتخابی عمل کو پرامن انداز میں منعقد کرانے پر اظہار اطمینان کیا۔