لاہور میں گھر کی چھت گر گئی ، 9 افراد جاں بحق ، 3 زخمی

لاہور کے علاقے ہربنس پورہ کی بھٹہ محمد دین کالونی میں بوسیدہ مکان کی چھت گرنے سے 9 افراد جاں بحق اور 3 زخمی ہو گئے۔

ریسکیو حکام کے مطابق سکھ نہر کے قریب گھر کی چھت مٹی اور ٹی آر گارڈر سے بنی ہوئی تھی، زخمیوں کو طبی امداد کیلئے اسپتال منتقل کردیا گیا

پولیس کے مطابق واقعہ رات 10 بج کر 15 منٹ پر پیش آیا ، 3 منزلہ مکان میں 3 خاندان رہائش پذیر تھے، 9 افراد کی لاشیں نکالی لی گئیں۔

ریسکیو اہلکاروں کے مطابق مزید کسی شخص کے ملبے تلے دبے ہونے کے خدشے کے تحت ریسکیو آپریشن ابھی بھی جاری ہے، اس آپریشن میں ریسکیو کی 6 ایمرجنسی گاڑیوں کے ساتھ 20 ریسکیورز موقع پر موجود ہیں۔

وزیراعلیٰ پنجاب مریم نواز نے باغبانپورہ میں چھت گرنے سے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔

وزیراعلیٰ مریم نواز کی ہدایت پر ڈی سی لاہور اور دیگر انتظامی افسران موقع پر پہنچ گئے ، وزیراعلیٰ نے زخمیوں کے بہترین علاج کی ہدایت کی ہے۔

واضح رہے کہ حالیہ بارشوں کے دوران لاہور کے دیگر علاقوں شالیمار روڈ، شاداب کالونی اور کاہنہ میں چھتیں گرنے کے متعدد واقعات رپورٹ ہوئے ہیں۔