بلوچستان کے ضلع تربت میں لرزہ خیز وقوعہ 6 نامعلوم افراد کی لاشیں برآمد

تربت(بولتا بلوچستان)تربت کے علاقے ناصر آباد سے 6 نامعلوم افراد کی لاشیں برآمد ہونے کی اطلاع ملی ہے، جس کے بعد علاقے میں تشویش کی لہر دوڑ گئی۔ ذرائع بولتا بلوچستان کے مطابق لاشوں کو شناخت اور ضروری قانونی کارروائی کے لیے اسپتال منتقل کیا جا رہا ہے۔
ابتدائی اطلاعات کے مطابق فوری طور پر جاں بحق افراد کی شناخت اور ہلاکت کی وجوہات سامنے نہیں آ سکی ہیں، جبکہ متعلقہ ادارے واقعے کے مختلف پہلوؤں کا جائزہ لے رہے ہیں۔ ذرائع بولتا بلوچستان کے مطابق واقعے سے متعلق مزید معلومات اور سرکاری مؤقف سامنے آنے کے بعد تفصیلات جاری کی جائیں گی۔
بولتا بلوچستان میڈیا اس اہم پیش رفت پر نظر رکھے ہوئے ہے اور جیسے ہی مستند معلومات موصول ہوں گی، اپنے ناظرین تک بروقت پہنچائی جائیں گی۔