پنجاب اور خیبرپختونخوا میں بارشوں سے تباہی، مختلف حادثات میں 23 افراد جاں بحق

لاہور/پشاور: ملک کے مختلف علاقوں میں جاری مون سون بارشوں کے باعث پنجاب اور خیبرپختونخوا میں بڑے پیمانے پر جانی و مالی نقصان ہوا ہے۔

پی ڈی ایم اے کے مطابق بارشوں، چھتیں اور دیواریں گرنے سمیت مختلف حادثات میں دونوں صوبوں میں مجموعی طور پر 23 افراد جاں بحق جبکہ متعدد زخمی ہوگئے۔

پنجاب میں بارشوں کے دوران مختلف حادثات میں 9 افراد جان کی بازی ہار گئے، جبکہ خیبرپختونخوا میں 14 افراد جاں بحق اور 19 زخمی ہوئے۔

حکام کے مطابق خیبرپختونخوا میں جاں بحق افراد میں 6 مرد، 6 بچے اور 2 خواتین شامل ہیں، جبکہ متاثرہ علاقوں میں امدادی کارروائیاں جاری ہیں۔