جنوبی وزیرستان میں کمرے کی چھت گرنے سے ایک ہی خاندان کے 4 افراد جاں بحق

ڈی آئی خان: جنوبی وزیرستان اپر کی تحصیل سراروغہ کے علاقے احمد وام بنگے والا میں بارش کے باعث کمرے کی چھت گرنے سے ایک ہی خاندان کے 4 افراد جاں بحق ہوگئے۔

ریسکیو حکام کے مطابق حادثہ گزشتہ شب پیش آیا، جس میں ساجد اللہ محسود، ان کی اہلیہ، بیٹا اور بیٹی جان کی بازی ہار گئے۔

حکام کا کہنا ہے کہ مسلسل بارشوں کے باعث کچے مکان کی چھت کمزور ہو کر گر گئی، جس وقت حادثہ پیش آیا تمام افراد کمرے میں سو رہے تھے۔