ڈیرہ مراد جمالی میں حضرت عمر فاروقؓ و شہدائے کربلا کانفرنس کا انعقاد

نصیر آباد ۔۔۔
(رپورٹ محمد یونس عمرانی)

جمعیت علمائے پاکستان کے سابق صوبائی جنرل سیکریٹری علامہ عبدالحکیم انقلابی کی نگرانی اور میر محمد رحیم لہڑی کی زیرِ صدارت شانِ سیدنا حضرت عمر فاروقؓ و شہدائے کربلا کانفرنس آریانہ ہوٹل ڈیرہ مراد جمالی میں منعقد ہوئی۔کانفرنس میں مختلف مکاتبِ فکر کے علماء کرام، سیاسی جماعتوں کے رہنماؤں، سماجی شخصیات اور شہریوں نے بڑی تعداد میں شرکت کی۔ مقررین نے اپنے خطابات میں حضرت سیدنا عمر فاروقؓ کی سیرتِ طیبہ، عدل و انصاف اور فلاحی طرزِ حکمرانی پر روشنی ڈالی، جبکہ شہدائے کربلا کی عظیم قربانیوں کو خراجِ عقیدت پیش کرتے ہوئے کہا کہ واقعۂ کربلا حق، صبر، استقامت اور دینِ اسلام کی سربلندی کا ابدی پیغام ہے۔مقررین نے اتحادِ امت، مذہبی ہم آہنگی، بھائی چارے اور امن و استحکام کے فروغ پر زور دیا۔ کانفرنس کے اختتام پر پاکستان کی سلامتی، خوشحالی، امن اور امتِ مسلمہ کے اتحاد کے لیے خصوصی دعا بھی کی گئی