ترقیاتی منصوبے معیار کے مطابق مکمل کیے جا رہے ہیں، محمد یار مگسی

گنداواہ(رپورٹ شیر احمد ساسولی نمائندہ صحافت)گنداواہ کے علاقے گاجان واٹر چینل کا کام پی سی ون کے مطابق مکمل، کمزور حصے پر بھی جلد اسٹون پچنگ کی جائے گی

گنداواہ: ایگزیکٹو انجینئر ایریگیشن جھل مگسی محمد یار مگسی نے کہا ہے کہ گاجان واٹر چینل کا تعمیراتی کام پی سی ون کے مطابق مکمل کیا جا چکا ہے۔

انہوں نے بتایا کہ زمینداروں کی درخواست پر چینل کے ایک ایسے کمزور حصے کی نشاندہی کی گئی، جہاں مستقبل میں ندی کے بہاؤ سے نقصان کا خدشہ تھا۔ اس مقام پر اسٹون پچنگ کے لیے پتھر موقع پر پہنچا کر ذخیرہ کر دیے گئے ہیں، جبکہ موسم اور حالات سازگار ہوتے ہی وہاں بھی کام مکمل کر دیا جائے گا۔

محمد یار مگسی نے کہا کہ محکمہ ایریگیشن زمینداروں کے جائز مسائل کے حل کے لیے سنجیدہ اقدامات کر رہا ہے اور تمام ترقیاتی منصوبوں کو مقررہ معیار کے مطابق مکمل کیا جا رہا ہے۔

دوسری جانب گاجان کے زمیندار نائب میر صلاح الدین زہری، سردارزادہ میر شہابز خان لاشاری، نائب علی بخش لاشاری، شوکت علی لاشاری اور موسیٰ خان لاشاری نے ایکسیئن ایریگیشن کی جانب سے بروقت نوٹس لینے اور مسئلے کے حل کی یقین دہانی کو سراہتے ہوئے امید ظاہر کی کہ باقی ماندہ کام بھی جلد مکمل کر لیا جائے گا۔