لکپاس میں گیس باؤزر قافلے سے ٹریفک جام، گاڑیوں کی میلوں لمبی قطاریں

کوئٹہ: لکپاس کے مقام سے گیس باؤزر ٹریلرز اور دیگر بڑی گاڑیوں کو قافلے کی صورت میں کوئٹہ روانہ کیے جانے کے باعث قومی شاہراہ پر ٹریفک کا نظام شدید متاثر ہو گیا۔

ذرائع کے مطابق قافلے کی نقل و حرکت کے دوران دونوں جانب گاڑیوں کی لمبی قطاریں لگ گئیں، جس سے مسافروں، ٹرانسپورٹرز اور عام شہریوں کو شدید مشکلات کا سامنا کرنا پڑا۔ کئی گاڑیاں گھنٹوں ٹریفک جام میں پھنسی رہیں۔

شہریوں نے متعلقہ حکام سے مطالبہ کیا ہے کہ ٹریفک کی روانی برقرار رکھنے کے لیے مؤثر انتظامات کیے جائیں تاکہ عوام کو غیر ضروری پریشانی سے بچایا جا سکے۔