اسپینی روڈ پر چچا زاد بھائیوں کی فائرنگ، دو سگے بھائی شدید زخمی

کوئٹہ: کوئٹہ کے علاقے اسپینی روڈ پر چچا زاد بھائیوں کے درمیان فائرنگ کے واقعے میں دو سگے بھائی شدید زخمی ہو گئے۔

پولیس کے مطابق واقعہ گھریلو تنازع کے باعث پیش آیا، جہاں ملزمان نے فائرنگ کر کے دو حقیقی بھائیوں کو نشانہ بنایا۔ فائرنگ کے نتیجے میں دونوں افراد شدید زخمی ہوئے جنہیں فوری طور پر طبی امداد کے لیے اسپتال منتقل کر دیا گیا۔

واقعے کے بعد پولیس موقع پر پہنچ گئی اور شواہد اکٹھے کرکے ملزمان کی گرفتاری کے لیے کارروائی شروع کر دی۔ حکام کا کہنا ہے کہ واقعے کی مزید تحقیقات جاری ہیں۔