وزیر داخلہ بلوچستان میر ضیاء اللہ لانگو نے ہاشم خان نورزئی کے قتل کا نوٹس لے لیا

کوئٹہ: وزیر داخلہ بلوچستان میر ضیاء اللہ لانگو نے کابل جان ہوٹل کے مالک ہاشم خان نورزئی کے قتل کے واقعے کا نوٹس لیتے ہوئے متعلقہ حکام سے 24 گھنٹوں کے اندر تفصیلی رپورٹ طلب کر لی ہے۔

معاون برائے داخلہ بابر یوسفزئی کے مطابق وزیر داخلہ نے قتل میں ملوث ملزمان کی فوری گرفتاری کے احکامات جاری کرتے ہوئے کہا ہے کہ واقعے میں ملوث عناصر کو ہر صورت قانون کے کٹہرے میں لایا جائے گا۔

انہوں نے ہدایت کی کہ تحقیقات کو ہر پہلو سے مکمل شفافیت اور میرٹ پر آگے بڑھایا جائے تاکہ ذمہ داروں کو جلد از جلد انصاف کے کٹہرے میں لایا جا سکے۔

میر ضیاء اللہ لانگو نے کہا کہ امن و امان خراب کرنے والے عناصر کے خلاف بلاامتیاز کارروائی جاری رکھی جائے گی۔ انہوں نے اس عزم کا اظہار کیا کہ حکومت شہریوں کے جان و مال کے تحفظ کے لیے ہر ممکن اقدامات یقینی بنا رہی ہے۔