روہڑی ریلوے پولیس کا کارخانے پر چھاپہ، مبینہ سرکاری ریلوے سامان برآمد

سکھر (بیورو چیف) ریلوے پولیس اور ریلوے انتظامیہ نے مشترکہ کارروائی کرتے ہوئے ایک کارخانے سے مبینہ طور پر سرکاری ریلوے کا سامان برآمد کر لیا۔ کارروائی ریلوے تھانے کے ایس ایچ او مظہرالدین سومرو کی سربراہی میں خفیہ اطلاع ملنے پر کی گئی ذرائع کے مطابق ریلوے انتظامیہ کے تعاون سے ریلوے فورمین عبیداللہ قریشی کے ٹرانسفارمر تیار کرنے والے کارخانے پر چھاپہ مارا گیا، جہاں سے مبینہ طور پر ریلوے کی تین پٹریاں (ریل لائنیں) اور دیگر سامان تحویل میں لے لیا گیا ایس ایچ او مظہرالدین سومرو نے بتایا کہ برآمد شدہ سامان کے حوالے سے تحقیقات جاری ہیں اور یہ معلوم کیا جا رہا ہے کہ سامان کہاں سے لایا گیا اور متعلقہ زمین کس ادارے کی ملکیت ہے انہوں نے کہا کہ اگر تحقیقات کے دوران یہ ثابت ہوا کہ مذکورہ جگہ ریلوے کی ملکیت ہے تو ریلوے پولیس قانون کے مطابق کارروائی عمل میں لائے گی، بصورت دیگر معاملہ ضلعی پولیس کے سپرد کرکے قانونی کارروائی کی جائے گی۔ واقعے کی مزید تفتیش جاری ہے۔

Browse Posts

کشمور پولیس کی بڑی کامیاب کارروائی انٹیلیجنس بیسڈ آپریشن کے دوران بدنام زمانہ ڈکیت ملگزار عرف ملھو بھلکانی ہلاک

عوام پاکستان پارٹی بلوچستان نے شٹر ڈاؤن ، پہیہ جام ہڑتال کی حمایت کا اعلان کردیا

کرپشن میں ملوث عناصر کے خلاف بلاامتیاز کارروائی ہوگی، اینٹی کرپشن حکام