بلوچستان فوڈ اتھارٹی کی کارروائیاں، کوئٹہ میں بیکنگ یونٹ اور ریسٹورنٹ سیل

صوبائی وزیر و چیئرمین بلوچستان فوڈ اتھارٹی حاجی نور محمد دمڑ کی خصوصی ہدایات پر مضر صحت اور غیر معیاری خوراک کی تیاری و فروخت میں ملوث عناصر کے خلاف بلوچستان فوڈ اتھارٹی کی بھرپور کارروائیاں جاری ہیں۔ اس سلسلے میں کوئٹہ سمیت مختلف اضلاع میں بی ایف اے کی انسپیکشن ٹیموں نے متعدد خوراک کے مراکز کا معائنہ کرتے ہوئے قوانین کی سنگین خلاف ورزیوں پر سخت قانونی اقدامات اٹھائے۔ترجمان بلوچستان فوڈ اتھارٹی کے مطابق حالیہ کارروائیوں کے دوران کوئٹہ میں ایک بیکنگ یونٹ اور ایک ریسٹورنٹ کو صفائی کی انتہائی ناقص صورتحال، غیر معیاری اشیاء خورونوش کے استعمال اور فوڈ سیفٹی قوانین کی سنگین خلاف ورزیوں پر سیل کردیا گیا جبکہ گوادر، حب، کوئٹہ، آواران اور ڈیرہ مراد جمالی میں مجموعی طور پر 41 مراکز مالکان پرجرمانے عائد کیے گئے۔ کارروائیوں کے دوران مجموعی طور پر 2 مراکز سیل اور 41 کاروباروں کے خلاف قانونی کارروائی عمل میں لائی گئی۔کوئٹہ میں نواں کلی، ایئرپورٹ روڈ، سبزل روڈ، سی پیک روڈ، ملینیم مال، مشین روڈ، سرکی روڈ اور جتک اسٹاپ کے علاقوں میں بیکنگ یونٹس، ریسٹورنٹس، ڈیپارٹمنٹل اسٹورز، اچار شاپس، نمکو پروسیسنگ یونٹس، مصالحہ شاپس اور جنرل اسٹورز کا تفصیلی معائنہ کیا گیا۔ انسپیکشن کے دوران صفائی کے ناقص انتظامات، غیر معیاری و زائدالمیعاد اشیاء کی موجودگی، خوراک کی غیر محفوظ تیاری، ملازمین کے میڈیکل سرٹیفکیٹس کی عدم دستیابی اور دیگر خلاف ورزیوں کی نشاندہی پر متعلقہ کاروباروں کے خلاف جرمانے اور دیگر قانونی کارروائیاں عمل میں لائی گئیں۔صوبائی وزیر و چیئرمین بلوچستان فوڈ اتھارٹی حاجی نور محمد دمڑ نے کہا ہے کہ عوام کو محفوظ، معیاری اور صحت بخش خوراک کی فراہمی صوبائی حکومت کی اولین ترجیحات میں شامل ہے۔ انہوں نے واضح کیا کہ عوام کی صحت سے کھیلنے والوں، ملاوٹ مافیا اور ناقص خوراک تیار و فروخت کرنے والوں کے ساتھ کسی قسم کی رعایت نہیں برتی جائے گی۔ ان کا کہنا تھا کہ فوڈ سیفٹی قوانین پر مکمل عملدرآمد یقینی بنانے کیلئے صوبہ بھر میں نگرانی اور کارروائیوں کا سلسلہ مزید مؤثر بنایا جا رہا ہے۔صوبائی وزیر کے مطابق فوڈ سیفٹی صرف حکومتی اداروں کی نہیں بلکہ یم سب کی مشترکہ ذمہ داری ہے۔ خوراک سے وابستہ تمام کاروباری افراد کو چاہیے کہ وہ صفائی، معیار اور فوڈ سیفٹی اصولوں کو اپنی اولین ترجیح بنائیں۔ انہوں نے خبردار کیا کہ قوانین کی خلاف ورزی کرنے والوں کے خلاف جرمانوں، سیلنگ اور قانونی کارروائیوں کا سلسلہ آئندہ بھی بلا تعطل جاری رہے گا۔

Browse Posts

کشمور پولیس کی بڑی کامیاب کارروائی انٹیلیجنس بیسڈ آپریشن کے دوران بدنام زمانہ ڈکیت ملگزار عرف ملھو بھلکانی ہلاک

روہڑی ریلوے پولیس کا کارخانے پر چھاپہ، مبینہ سرکاری ریلوے سامان برآمد

عوام پاکستان پارٹی بلوچستان نے شٹر ڈاؤن ، پہیہ جام ہڑتال کی حمایت کا اعلان کردیا