رکن سندھ اسمبلی سعدیہ جاوید کا آغا خان اسپتال میں بلوچستان کی متاثرہ خاتون ڈاکٹر ماہ نور ناصر کی عیادت

پاکستان پیپلز پارٹی خواتین ونگ کی صدر اور رکن سندھ اسمبلی فریال تالپور کی خصوصی ہدایت پر سندھ حکومت کی ترجمان اور رکن سندھ اسمبلی سعدیہ جاوید نے آج آغا خان یونیورسٹی اسپتال میں بلوچستان سے تعلق رکھنے والی اس خاتون ڈاکٹر کی عیادت کی جس پر حال ہی میں تیزاب پھینکنے کا افسوسناک واقعہ پیش آیا
اس موقع پر سعدیہ جاوید نے متاثرہ ڈاکٹر کی خیریت دریافت کی، ان کی جلد صحت یابی کے لیے نیک تمناؤں کا اظہار کیا اور انہیں فریال تالپور کی جانب سے مکمل تعاون اور ہمدردی کا پیغام پہنچایا۔
فریال تالپور نے متاثرہ ڈاکٹر کے ساتھ مکمل یکجہتی کا اظہار کرتے ہوئے کہا ہے کہ یہ واقعہ نہایت افسوسناک اور قابل مذمت ہے۔ خواتین کے خلاف تشدد اور ایسے سفاکانہ جرائم کسی بھی مہذب معاشرے کے لیے ناقابل قبول ہیں۔ انہوں نے کہا کہ متاثرہ ڈاکٹر کے علاج، نگہداشت اور دیگر ضروری امور میں ہر ممکن تعاون فراہم کیا جائے گا اور اس سلسلے میں جو بھی طبی یا انسانی بنیادوں پر مدد درکار ہوگی، وہ ذاتی طور پر اس کی نگرانی کریں گی
فریال تالپور نے کہا کہ پاکستان پیپلز پارٹی ہمیشہ خواتین کے حقوق، تحفظ اور بااختیار بنانے کے لیے عملی کردار ادا کرتی رہی ہے اور ایسے واقعات کے متاثرین کو کبھی تنہا نہیں چھوڑا جائے گا۔ انہوں نے متعلقہ اداروں پر زور دیا کہ واقعے میں ملوث عناصر کو قانون کے کٹہرے میں لا کر متاثرہ خاتون کو انصاف فراہم کیا جائے۔
سعدیہ جاوید نے کہا کہ سندھ حکومت اور پاکستان پیپلز پارٹی اس مشکل وقت میں متاثرہ ڈاکٹر اور ان کے اہل خانہ کے ساتھ کھڑی ہے اور ان کی ہر ممکن مدد کو یقینی بنایا جائے گا۔

Browse Posts

گرین جرنلزم کانفرنس جمعرات 11 جون کو منعقد ہوگی

سیرت نبوی سے ہمیں رحم دلی اور امن و آشتی کا درس ملتا ہے،ڈاکٹر ضابطہ خان شنواری

کشمور پولیس کی بڑی کامیاب کارروائی انٹیلیجنس بیسڈ آپریشن کے دوران بدنام زمانہ ڈکیت ملگزار عرف ملھو بھلکانی ہلاک