کوئٹہ سول ہسپتال میں خاتون ڈاکٹر پر تیزاب حملہ، وزیر صحت بخت محمد کاکڑ کا سخت نوٹس

صوبائی وزیر صحت بخت محمد کاکڑ نے سول اسپتال کوئٹہ میں خاتون ڈاکٹر پر تیزاب پھینکنے کے افسوسناک واقعے کا سخت نوٹس لیتے ہوئے ملزم کی فوری گرفتاری کا مطالبہ کیا ہے وزیر صحت نے کہا کہ وہ اس واقعے کے حوالے سے آئی جی پولیس بلوچستان سے مسلسل رابطے میں ہیں اور یقین دہانی کرائی ہے کہ ملزم کو جلد از جلد گرفتار کرکے قانون کے کٹہرے میں لایا جائے گا۔ انہوں نے بتایا کہ زخمی ڈاکٹر ماہ نور ناصر پوسٹ گریجویٹ سرجری کی ڈاکٹر ہیں بخت محمد کاکڑ کے مطابق سی سی ٹی وی فوٹیج سے ابتدائی طور پر یہ بات سامنے آئی ہے کہ اسپتال کے لفٹ آپریٹر نے ڈاکٹر ماہ نور ناصر پر تیزاب پھینکا۔ انہوں نے اس واقعے کو انتہائی افسوسناک، دلخراش اور ناقابل برداشت قرار دیتے ہوئے کہا کہ ذمہ دار شخص کو سخت سے سخت سزا دلوائی جائے گی انہوں نے مزید کہا کہ زخمی ڈاکٹر کو بہتر طبی سہولیات کی فراہمی کے لیے ائیر ایمبولینس کے ذریعے کراچی منتقل کیا جائے گا، جبکہ حکومت ان کے علاج معالجے کے لیے ہر ممکن تعاون اور تمام ضروری سہولیات فراہم کرے گی وزیر صحت نے کہا کہ طبی شعبے سے وابستہ افراد پر حملے کسی صورت برداشت نہیں کیے جائیں گے اور واقعے میں ملوث ملزم کو کیفر کردار تک پہنچایا جائے گا۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی