پنجگور چیدگی روٹ پر مسلح افراد کی ناکہ بندی، متعدد گاڑیوں کے ٹائروں پر فائرنگ، گاڑیوں کو نقصان

بلوچستان کے ضلع پنجگور میں چیدگی مرکزی شاہراہ پر مسلح افراد نے ایک بار پھر ناکہ بندی قائم کر کے بڑی گاڑیوں کو نشانہ بنایا ذرائع کے مطابق اس دوران تین بڑی گاڑیوں، جن میں ٹرالرز اور دیگر گاڑیاں شامل تھیں، کے ٹائروں پر فائرنگ کی گئی جس کے نتیجے میں انہیں نقصان پہنچا عینی شاہدین کے مطابق اس روٹ پر اس سے قبل بھی اس نوعیت کے واقعات پیش آ چکے ہیں جہاں مسلح افراد ناکہ بندی کر کے بڑی گاڑیوں کو نشانہ بناتے رہے ہیں پولیس ذرائع کا کہنا ہے کہ واقعے کی اطلاع ملتے ہی متعلقہ علاقوں میں چیکنگ اور نگرانی سخت کر دی گئی ہے جبکہ مزید تحقیقات جاری ہیں۔