انسانی اسمگلنگ ایک سنگین اور منظم جرم ہے،سعادت خان

ایبٹ آباد(نمائندہ خصوصی)گلوبل ٹائمز میڈیا یورپ کے مطابق عالمی یومِ انسدادِ انسانی اسمگلنگ کے موقع پر ایف آئی اے کمپوزٹ سرکل ایبٹ آباد کے انسپکٹر سعادت خان نے اپنے خیالات کا اظہار کرتے ہوئے کہا کہ انسانی اسمگلنگ ایک سنگین اور منظم جرم ہے، جس کے خاتمے کے لیے عوام میں شعور بیدار کرنا، قانون نافذ کرنے والے اداروں کے ساتھ تعاون کرنا اور بروقت اطلاع دینا انتہائی ضروری ہے۔انہوں نے شہریوں پر زور دیا کہ انسانی اسمگلنگ سے متعلق کسی بھی مشکوک سرگرمی کی فوری اطلاع متعلقہ اداروں کو دیں تاکہ اس گھناؤنے جرم کا مؤثر تدارک کیا جا سکے اور متاثرہ افراد کو تحفظ فراہم کیا جا سکے۔آئیں، مل کر انسانی اسمگلنگ کے خاتمے کے لیے اپنا کردار ادا کریں۔