خصوصی افراد کی مدد عبادت ہے، انہیں تنہا نہیں چھوڑیں گے، مولانا نور اللہ

خصوصی افراد کی مدد عبادت ہے، انہیں تنہا نہیں چھوڑیں گے: مولانا نور اللہ
​​معذور افراد کو معاشرے کا فعال حصہ بنانا ہماری اولین ترجیح ہے: حمید اللہ میرزئی
​قلعہ سیف اللہ (نمائندہ صحافت: کلیم اللہ کاکڑ): قلعہ سیف اللہ میں ای ایس پی (ESP)، یونیسف اور محکمہ تعلیم کے زیرِ اہتمام ایک پروقار تقریب کا انعقاد کیا گیا، جس کا مقصد جسمانی معذوری کا شکار افراد کی زندگیوں میں آسانی پیدا کرنا اور انہیں وہیل چیئرز فراہم کرنا تھا۔ تقریب کے مہمانِ خصوصی ایم پی اے مولانا نور اللہ تھے، جبکہ پروگرام کی صدارت ای ایس پی کے ڈسٹرکٹ منیجر حمید اللہ میرزئی نے کی۔
​اس موقع پر مہمانِ خصوصی مولانا نور اللہ نے خطاب کرتے ہوئے کہا کہ “خصوصی افراد کی مدد کرنا محض ایک سماجی کام نہیں بلکہ ایک عظیم عبادت ہے۔ ہم ان افراد کو کبھی تنہا نہیں چھوڑیں گے اور ان کی فلاح و بہبود کے لیے ہر ممکن اقدامات کیے جائیں گے۔” انہوں نے محکمہ تعلیم اور یونیسف کی اس کاوش کو سراہتے ہوئے اسے انسانیت کی خدمت کی ایک اعلیٰ مثال قرار دیا۔
​ای ایس پی کے ڈسٹرکٹ منیجر حمید اللہ میرزئی نے تقریب سے خطاب کرتے ہوئے کہا کہ “ہمارا ادارہ یونیسف کے تعاون سے ضلع بھر میں معذور افراد کی بحالی کے لیے کوشاں ہے۔ وہیل چیئرز کی تقسیم کا مقصد ان افراد کی نقل و حرکت کو ممکن بنانا ہے تاکہ وہ کسی پر بوجھ بنے بغیر اپنی زندگی گزار سکیں۔” انہوں نے عزم ظاہر کیا کہ آنے والے وقت میں اس پروگرام کا دائرہ کار مزید وسیع کیا جائے گا۔
​تقریب میں ڈی ای او (DEO) محبوب شاہ، ڈی او ای (DOE) محکمہ تعلیم غلام محمد، مولوی یار محمد اور دیگر اعلیٰ افسران نے بھی شرکت کی۔ تمام شرکاء نے یونیسف اور ای ایس پی کے باہمی تعاون کی تعریف کی اور اس بات پر زور دیا کہ ایسے فلاحی منصوبے معاشرے میں مثبت تبدیلی کا پیش خیمہ ثابت ہوتے ہیں۔ تقریب کے اختتام پر معذور افراد میں وہیل چیئرز تقسیم کی گئیں، جس پر انہوں نے انتظامیہ اور مہمانوں کا شکریہ ادا کیا