سپریم جوڈیشل کونسل کا اہم اجلاس طلب، ججز ٹرانسفر سمیت دیگر امور زیرغور آئینگے

چیف جسٹس نے سپریم جوڈیشل کونسل کا اجلاس طلب کرلیا۔

Browse Posts

فیلڈ مارشل عاصم منیر کی قائدانہ صلاحیتوں اور کامیاب ملٹری ڈپلومیسی کی دنیا معترف

ترقیاتی منصوبوں کا افتتاح، دانش اسکولوں کا سنگ بنیاد: وزیراعظم گلگت بلتستان پہنچ گئے

معرکہ حق کا ایک سال مکمل؛ ڈی جی آئی ایس پی آر آج اہم پریس کانفرنس کریں گے

ایکسپریس نیوز کے مطابق چیف جسٹس آف پاکستان، جسٹس یحییٰ آفریدی نے سپریم جوڈیشل کونسل کا اجلاس آئندہ جمعرات 14 مئی کو طلب کرلیا ہے۔

ذرائع کے مطابق اس اہم اجلاس میں ججز کے خلاف زیرالتوا شکایات کا جائزہ لیا جائے گا۔ علاوہ ازیں سپریم جوڈیشل کونسل کے اس اجلاس میں اسلام آباد ہائیکورٹ کے سابقہ 6 ججز کا خط بھی زیرغور آئے گا۔

واضح رہے کہ اسلام آباد ہائی کورٹ کے ججز کے ٹرانسفر سے متعلق جوڈیشل کمیشن کے گزشتہ اجلاس سے قبل اہم پیش رفت سامنے آئی تھی، جس کے مطابق جسٹس بابر ستار نے چیف جسٹس یحییٰ آفریدی کے نام بطور سربراہ جوڈیشل کمیشن ایک خط لکھا تھا، جس میں انہوں نے ٹرانسفر کے معاملے پر انہیں ذاتی طور پر سنے جانے کی استدعا کی تھی۔

ذرائع کے مطابق جسٹس بابر ستار نے اپنے خط میں مؤقف اختیار کیا تھا کہ آئین کے آرٹیکل 200 کے تحت ٹرانسفر کے معاملے پر فیصلہ کرنے سے قبل کمیشن کے اجلاس میں انہیں سنا جائے۔

ذرائع کا یہ بھی کہنا ہے کہ چیف جسٹس یحییٰ آفریدی نے ججز ٹرانسفر کے لیےاجلاس بلانے کی مخالفت کی تھی، تاہم چیف جسٹس سرفراز ڈوگر کی جانب سے 5 ممبران کی ریکوزیشن پر یہ سپریم جوڈیشل کونسل کا گزشتہ اجلاس طلب کیا گیا تھا۔