دوسروں کے لیے جینا ہی اصل زندگی ہے

دوسروں کے لیے جینا ہی اصل زندگی ہے
تحریر: ایاز ہاشم بھٹو

Browse Posts

عالمی منشیات اور اس کے اثرات

تاریخ کے آئینے میں ظالم حکمرانوں اور سیاستدانوں کے انجام

پیاس لگی ہے پانی دے دو

زندگی ڈگریوں کے بغیر بھی گزاری جا سکتی ہے، ایک ہی لباس کو بار بار پہن کر بھی، اور دو روٹیوں کی بجائے ایک روٹی کھا کر بھی گزارا سکتا ہے مگر زندگی عزت، کامیابی اور محبت کے بغیر نہیں چل سکتی، یہ تین چیزیں انسانی زندگی کی بنیاد ہیں اور انہی کے گرد پوری زندگی گھومتی ہے،ہمیشہ ایسے شخص کو ترجیح دیں جو آپ کی عزت کرے، آپ سے سچی محبت رکھے، اور یہ عزت و محبت صرف سب کے سامنے ہی نہیں بلکہ تنہائی میں بھی قائم رکھے، وہ شخص جو آپ کی غیر موجودگی میں بھی آپ کا ذکر عزت اور محبت سے کرے اور آپ کی تذلیل نہ کرے، دراصل وہی آپ کا حقیقی ساتھی ہے، محبت ایک اعلیٰ جذبہ ہے اور عزت ایک انمول نعمت ہے، دنیا میں کوئی بڑا کام اکیلے ممکن نہیں ہوتا، کامیابی ہمیشہ اُن لوگوں کی محنت کا ثمر ہوتی ہے جو مل کر ایک خواب کو حقیقت میں بدلنے کا عزم رکھتے ہیں، کامیابی کا مطلب ہر انسان کے لیے مختلف ہے، کسی کے لیے دولت، کسی کے لیے گھر یا روزگار اور کسی کے لیے عزت و پہچان، میرے نزدیک سب سے بڑی کامیابی یہ ہے کہ دنیا کے کسی کونے میں کوئی ایسا شخص ہو جسے آپ جانتے بھی نہ ہوں، مگر آپ کے کسی عمل سے اسے اتنا فائدہ پہنچا ہو کہ جب بھی آپ کا نام آئے تو اس کے دل سے آپ کے لیے دعا نکلے۔ یہ وہ مقام ہے جہاں دولت اور شہرت کی کوئی حیثیت نہیں، صرف اخلاص اور نیک نیتی کام آتی ہے، اس مقام تک پہنچنے کے لیے ضروری ہے کہ سب سے پہلے آپ خود کو بہتر بنائیں، اپنی صلاحیتوں کو نکھاریں، علم حاصل کریں اور پھر اخلاص کے ساتھ دوسروں تک پہنچائیں جب آپ بے لوث ہو کر لوگوں کی مدد کرتے ہیں تو یقیناً ایک دن کوئی ایسا شخص ملتا ہے جو کہے کہ آپ نے میری زندگی بدل دی یہی عمل نہ صرف دنیا میں کامیابی کی ضمانت ہے بلکہ آخرت میں بھی نجات کا سبب ہے۔ اس لیے زندگی اس طرح گزاریں کہ آپ کی موجودگی دوسروں کے لیے فائدہ مند ہو اور آپ کے اعمال کسی کی زندگی میں مثبت تبدیلی کا باعث بنیں۔ اصل کامیابی اپنے لیے جینے میں نہیں، بلکہ دوسروں کی زندگی آسان بنانے میں ہے.