ایرانی بحریہ کی ناکہ بندی اس تک برقرار رہے گی جبتک کوئی حتمی معاہدہ طے نہیں ہوجاتا؛ ٹرمپ

امریکی صدر ڈونلڈ ٹرمپ نے کہا ہے کہ ایران کے ساتھ مجوزہ معاہدہ جلد طے پا سکتا ہے اور یہ ماضی، بالخصوص اوباما دور کے معاہدے سے زیادہ بہتر ہوگا۔
ٹروتھ سوشل پر جاری بیان میں انہوں نے واضح کیا کہ وہ ایران سے مذاکرات کسی دباؤ کے تحت نہیں کر رہے، بلکہ یہ امریکی مفاد میں ایک مضبوط اور مؤثر معاہدہ ہوگا۔
صدر ٹرمپ کے مطابق دو ہفتوں کی جنگ بندی بدھ کی شام ختم ہو جائے گی، تاہم امید ہے کہ اس سے قبل یا اس کے فوراً بعد ایران کے ساتھ پیش رفت ہو سکتی ہے۔ انہوں نے کہا کہ اگر مقررہ وقت تک معاہدہ نہ ہوا تو جنگ بندی میں توسیع کے امکانات بہت کم ہیں۔
بلومبرگ کو دیے گئے انٹرویو میں امریکی صدر نے بتایا کہ ایران کے خلاف بحری ناکہ بندی اس وقت تک برقرار رہے گی جب تک کوئی حتمی معاہدہ طے نہیں پا جاتا۔
انہوں نے یہ بھی خبردار کیا کہ اگر جنگ بندی کے اختتام تک معاہدہ نہ ہو سکا تو صورتحال دوبارہ کشیدہ ہو سکتی ہے اور ایران کو سنگین نتائج کا سامنا کرنا پڑ سکتا ہے۔
صدر ٹرمپ نے اپنے مجوزہ معاہدے کو 2015 کے عالمی جوہری معاہدے سے زیادہ مؤثر اور کامیاب قرار دیا۔

Browse Posts

پاکستانی آئی ٹی کمپنی کا افریقا میں سیٹلائٹ کنیکٹیویٹی منصوبے کا کامیاب آغاز

امریکا پر تاریخی عدم اعتماد مذاکرات کی راہ میں بڑی رکاوٹ ہے، ایرانی صدر پزشکیان

آئی ایم ایف کے بیل آؤٹ پیکیج پر مزید 11 نئی شرائط عائد