عوامی مفاد کی ہر مثبت تجویز کا خیرمقدم کریں گے، وزیر اعلیٰ بلوچستان

وزیر اعلیٰ بلوچستان میر سرفراز بگٹی سے اپوزیشن لیڈر میر یونس عزیز زہری کی قیادت میں بلوچستان اسمبلی کے اپوزیشن اراکین نے ملاقات کی، جس میں پارلیمانی امور، آئندہ مالی سال کے بجٹ اور ترقیاتی منصوبوں پر تفصیلی تبادلہ خیال کیا گیا۔ دونوں جانب سے اس بات پر اتفاق کیا گیا کہ آئندہ مالی سال کے پبلک سیکٹر ڈویلپمنٹ پروگرام (PSDP) کی ترجیحات کو عوامی ضروریات کے مطابق ترتیب دیا جائے گا تاکہ حقیقی معنوں میں عوامی مسائل کا حل ممکن بنایا جا سکے۔

اس موقع پر وزیر اعلیٰ میر سرفراز بگٹی نے کہا کہ ٹریژری اور اپوزیشن دونوں عوام کے منتخب نمائندے ہیں اور عوامی مفاد میں پیش کی جانے والی ہر مثبت تجویز کا خیرمقدم کیا جائے گا۔ انہوں نے کہا کہ بلوچستان اسمبلی پارلیمانی روایات اور صوبائی اقدار کا خوبصورت امتزاج ہے، جہاں اپوزیشن اراکین نے ہمیشہ صبر، تحمل اور اعلیٰ اخلاقی اقدار کا مظاہرہ کیا ہے۔

Browse Posts

راولپنڈی میں امن مذاکرات کے باعث ٹرانسپورٹ معطلی کا فیصلہ

ایران کے ساتھ ایک یا دو دن میں معاہدہ طے پانے کا امکان ہے، ٹرمپ کا بڑا دعویٰ

آبنائے ہرمز بدستور بند، امریکا کے ساتھ مذاکرات کی کوئی تاریخ طے نہیں ہے، ایران کا اعلان

وزیر اعلیٰ نے مزید کہا کہ باہمی احترام اور بھائی چارے کی یہی روایات بلوچستان اسمبلی کو دیگر پارلیمانوں سے ممتاز بناتی ہیں، اور حکومت اپوزیشن کے مثبت و تعمیری کردار کو قدر کی نگاہ سے دیکھتی ہے۔ انہوں نے یقین دہانی کرائی کہ عوامی مفاد کی قابلِ عمل اور منظور شدہ ترقیاتی اسکیموں کو پی ایس ڈی پی میں شامل کیا جائے گا۔

ملاقات کے دوران اپوزیشن لیڈر اور دیگر اراکین نے وزیر اعلیٰ کے مثبت رویے اور پارلیمانی طرز عمل کو سراہتے ہوئے ان کا شکریہ ادا کیا، اور اس بات کا اعتراف کیا کہ میر سرفراز بگٹی اپوزیشن کے آئینی و پارلیمانی تقدس کا احترام کرتے ہوئے مثبت تنقید کو کھلے دل سے قبول کرتے ہیں۔