نوکنڈی کے قریب حادثہ، 2 جاں بحق 18 زخمی

نوکنڈی (نامہ نگار) بلوچستان کے ضلع چاغی کے علاقے نوکنڈی کے قریب پیش آنے والے ایک افسوسناک ٹریفک حادثے میں 2 افراد جاں بحق جبکہ 18 افراد زخمی ہو گئے۔

مقامی پولیس کے مطابق حادثے کا شکار ہونے والے افراد تارکین وطن تھے جو سرحدی قصبے کے راستے غیر قانونی طور پر ایران جانے کی کوشش کر رہے تھے۔ زخمیوں کو فوری طور پر قریبی طبی مراکز منتقل کر دیا گیا ہے جہاں انہیں طبی امداد فراہم کی جا رہی ہے۔

پولیس نے واقعے کی مزید تحقیقات شروع کر دی ہیں۔