کچلاک ایف سی چیک پوسٹ پر حملہ، 2 حملہ آور ہلاک

کچلاک (نامہ نگار) کچلاک بائی پاس پر ایف سی کی چیک پوسٹ پر نامعلوم مسلح افراد نے حملہ کر دیا جس کے نتیجے میں شدید فائرنگ کا تبادلہ ہوا۔

ذرائع کے مطابق دو حملہ آوروں نے چیک پوسٹ کو نشانہ بنایا تاہم سیکیورٹی فورسز نے بروقت اور مؤثر کارروائی کرتے ہوئے دونوں حملہ آوروں کو ہلاک کر دیا۔

فائرنگ کے تبادلے کے دوران سیکیورٹی فورسز کے دو اہلکار زخمی بھی ہوئے جنہیں فوری طور پر طبی امداد کے لیے منتقل کر دیا گیا۔

ذرائع کے مطابق ہلاک حملہ آوروں کے قبضے سے اسلحہ اور ہینڈ گرینیڈز برآمد ہوئے ہیں جبکہ واقعے کے بعد علاقے میں سیکیورٹی مزید سخت کر دی گئی ہے۔