خالد ساسولی کا قتل اختیارات کے ناجائز استعمال کا شاخسانہ ہے،میر اکبر لہڑی

خالد ساسولی کا قتل اختیارات کے ناجائز استعمال کا شاخسانہ ہے،میر اکبر لہڑی
بے گناہ نوجوان کے قتل میں ملوث اہلکاروں کا محاسبہ ضروری ہے۔ رہنما بی۔اے۔پی
ایگل اسکواڈ عوام کیلئے عذاب بن چکا ہے۔ بے گناہ شریف شہریوں کو تنگ کرنے میں بھی ملوث ہیں۔
کوئٹہ(پ ر) بلوچستان عوامی پارٹی کے مرکزی رہنما ، آل بلوچستان ٹرانسپورٹرز ایکشن کمیٹی کے سیکرٹری جنرل میر اکبر لہڑی نے کوئٹہ میں ایگل اسکواڈ کی مبینہ فائرنگ سے معصوم نوجوان محمد خالد ساسولی کے قتل کی شدید مذمت کرتے ھوئے کہا ہے۔ کہ ایک بے گناہ نوجوان، جو صرف ہسپتال میں خون دینے آیا تھا، اس کی جان لے لی گئی۔ یہ ناقابلِ برداشت ظلم اور انسانی حقوق کی سنگین خلاف ورزی ہے۔ایگل اسکواڈ کا شرپسند عناصر پر نظر رکھنا ہے۔ بے لگام اسکواڈ کو گولی چلانے کا اختیار کس نے دیا؟ معصوم شہریوں کو نشانہ بنانا ریاست کی ذمہ داریوں کے منافی ہے۔ انھوں نے مطالبہ کیا کہ اس افسوسناک واقعے کی شفاف تحقیقات کی جائیں، ملوث اہلکاروں کو سخت سزا دی جائے اور ایسی غیر ذمہ دارانہ کارروائیوں کو روکنے کے لیے فوری اقدامات اٹھائے جائیں تاکہ مستقبل میں معصوم شہریوں کی جانوں کا ضیاع نہ ہو۔انہوں نے متاثرہ خاندان سے اظہارِ تعزیت کرتے ہوئے کہا کہ پورا بلوچستان اس سانحے پر سوگوار ہے۔

Browse Posts

پاکستان عالمی سفارتکاری میں ذمہ دار کردار ادا کر رہا ہے،سید امان شاہ

جامعات کو بھرتیوں کی فیکٹری نہیں بلکہ تحقیق کا مرکز بنائیں،وزیراعلیٰ بلوچستان

ایس ایچ او سول لائن کو بھیجتے ہیں شاہد رند کو لے آئیں ، عدالت کا حکم