پیٹرول پمپ ڈیلرز نے ایک بار پھر پمپس بند کرنے کی دھمکی دیدی

پٹرول پمپ ڈیلرز ایسوسی ایشن نے حکومت سے مارجن نہ بڑھانے کی صورت میں پمپس بند کرنے کی دھمکی دے دی ہے۔

اسلام آباد میں پریس کانفرنس کے دوران چیئرمین ایسوسی ایشن سمیع خان نے کہا کہ پٹرولیم مصنوعات کی بڑھتی قیمتوں کے باعث ہمارے اخراجات پورے نہیں ہو رہے۔ انہوں نے حکومت سے مطالبہ کیا کہ ڈیلرز کا مارجن بڑھایا جائے، ورنہ پمپس بند کرنا ناگزیر ہوگا۔

اسی پریس کانفرنس میں رہنما ہمایوں خان نے کہا کہ حکومت نے پٹرول کی قیمتیں بڑھا دی ہیں لیکن ڈیلرز کا مارجن وہی برقرار ہے، جس سے ڈیلرز کا کاروبار شدید متاثر ہوا ہے۔ انہوں نے خبردار کیا کہ اگر مارجن نہیں بڑھایا گیا تو پمپس خود بخود بند ہونا شروع ہو جائیں گے۔