ارتھ آور پر پاکستان سمیت دنیا بھر میں روشنیاں بند

پاکستان سمیت دنیا بھر میں ماحول کے تحفظ اور توانائی کے مؤثر استعمال کے پیغام کے ساتھ ارتھ آور منایا گیا، جس میں شہریوں اور اداروں نے بھرپور شرکت کی۔

ملک بھر میں رات 8:30 سے 9:30 بجے تک غیر ضروری روشنیاں بند رکھی گئیں، جبکہ کراچی، لاہور اور اسلام آباد سمیت بڑے شہروں میں اہم سرکاری و نجی عمارات کی لائٹس بھی بجھا دی گئیں۔

Browse Posts

سردار وقاص شہزاد کا جنوبی افریقہ کے ہائی کمشنر روڈولف پیئر جورڈان سے ملاقات

وزیراعظم کی سربراہی میں پاکستان ترقی کی راہ پر گامزن ہے،شازیہ جدون

اکرام الدین کا عامر سلطان ترین کو وزیر اعلی کے پی کے پرنسپل سیکرٹری مقرر ہونے پر مبارک

اسلام آباد میں پارلیمنٹ ہاؤس، سپریم کورٹ، ایوان صدر اور وزیراعظم آفس سمیت اہم سرکاری عمارتوں کی روشنیاں بند رہیں، جبکہ لاہور میں واپڈا ہاؤس اور پنجاب اسمبلی، اور کراچی میں موہاٹا پیلس پر بھی علامتی طور پر لائٹس بند کی گئیں۔

ملتان سمیت دیگر شہروں میں بھی مختلف اداروں نے اس مہم میں حصہ لیا۔ لاہور میں جاری پی ایس ایل میچ کے دوران قذافی اسٹیڈیم کی فلڈ لائٹس چند منٹ کے لیے بند کر کے اظہارِ یکجہتی کیا گیا۔

ارتھ آور کا آغاز 2007 میں ورلڈ وائلڈ فنڈ فار نیچر (WWF) نے کیا تھا اور آج یہ مہم 190 سے زائد ممالک میں منائی جاتی ہے۔ ماہرین کے مطابق موسمیاتی تبدیلی اور گلوبل وارمنگ جیسے چیلنجز سے نمٹنے کے لیے ایسے اقدامات نہایت اہم ہیں۔