’ایران جنگ میں ہمیں کسی مدد کی ضرورت نہیں‘، اتحادیوں کے انکار پر امریکی صدر برہم ہوگئے

امریکی صدر ڈونلڈ ٹرمپ نے کہا ہے کہ امریکا ایک مضبوط اور خودمختار ملک ہے جو اپنے فیصلے خود کرنے کی مکمل صلاحیت رکھتا ہے اور اسے کسی بیرونی مدد کی ضرورت نہیں۔

وائٹ ہاؤس میں میڈیا سے گفتگو کرتے ہوئے انہوں نے ایران کے خلاف جاری کشیدگی کے تناظر میں واضح کیا کہ اتحادی ممالک کی جانب سے مدد نہ ملنے کے باوجود امریکا اپنی پالیسی پر قائم ہے۔

Browse Posts

تعلیمی ادارے کے قریب شراب خانہ قائم، طلبہ و طالبات میں شدید تشویش

ایران سمجھداری دکھائے، غلط فیصلہ کیا تو ہم دوبارہ جنگ کیلیے تیار ہیں؛ امریکا

یوٹیوب نے صارفین کیلئے شارٹس سے متعلق منفرد فیچر متعارف کرادیا

ٹرمپ نے نیٹو پر تنقید کرتے ہوئے کہا کہ اتحاد اس نازک وقت میں درست مؤقف اختیار نہیں کر رہا اور اسے امریکا کا ساتھ دینا چاہیے تھا۔

فرانسیسی صدر ایمانوئیل میکرون کے آبنائے ہرمز سے متعلق فوجی کارروائی میں شامل نہ ہونے کے بیان پر ردعمل دیتے ہوئے ٹرمپ نے کہا کہ میکرون جلد ہی اپنے عہدے سے سبکدوش ہو جائیں گے۔

انہوں نے جاپان، آسٹریلیا اور جنوبی کوریا کا ذکر کرتے ہوئے کہا کہ یہ ممالک امریکی مؤقف سے اتفاق تو رکھتے ہیں، تاہم عملی سطح پر انہوں نے کوئی مدد فراہم نہیں کی۔

واضح رہے کہ برطانیہ، فرانس، آسٹریلیا، جاپان، جنوبی کوریا اور چین پہلے ہی آبنائے ہرمز میں کسی ممکنہ کارروائی میں حصہ لینے سے انکار کر چکے ہیں۔