چاغی کی مریم بی بی نے MDCAT میں بلوچستان بھر میں اعزاز حاصل کرلیا

کوئٹہ/چاغی: ضلع چاغی سے تعلق رکھنے والی ہونہار طالبہ مریم بی بی، دختر اورنگزیب شاہ، نے میڈیکل کالجز داخلہ ٹیسٹ (MDCAT) میں شاندار کارکردگی کا مظاہرہ کرتے ہوئے بلوچستان بھر میں نمایاں پوزیشن حاصل کرلی۔

دستیاب تفصیلات کے مطابق مریم بی بی نے MDCAT (BUMHS) میں 163 نمبر حاصل کیے اور صرف ایک نمبر کے فرق سے بلوچستان بھر میں دوسری پوزیشن حاصل کی، جبکہ پہلی پوزیشن حاصل کرنے والے امیدوار کے 164 نمبر تھے۔

اسی طرح MDCAT (NUMS) میں بھی مریم بی بی نے بہترین کارکردگی کا مظاہرہ کرتے ہوئے بلوچستان بھر میں پہلی پوزیشن حاصل کی۔

مریم بی بی کی اس کامیابی پر ضلع چاغی کے عوام، اہل خانہ اور تعلیمی حلقوں کی جانب سے خوشی کا اظہار کیا جا رہا ہے۔ ان کی شاندار کارکردگی کو ضلع چاغی کے لیے اعزاز اور دیگر طلبہ کے لیے حوصلہ افزا مثال قرار دیا جا رہا ہے۔