کیچ بار ایسوسی ایشن کے سالانہ انتخابات مکمل، رستم جان گچکی صدر منتخب

تربت:کیچ بار ایسوسی ایشن کے سالانہ انتخابات مکمل، صدر رستم گچکی ایڈووکیٹ سمیت پورا کابینہ بلامقابلہ منتخب

ڈسٹرکٹ بار ایسوسی ایشن کیچ کے سالانہ انتخابات برائے 2026-27 مکمل ہوگئے جس میں تمام نامزد امیدوار بلامقابلہ منتخب ہوگئے۔

الیکشن کمیٹی کے چیئرمین ایڈووکیٹ قاسم علی گاجیزئی کی جانب سے 4 نومبر 2026 کو جاری کردہ نوٹیفکیشن کے مطابق کسی بھی عہدے پر مقابلہ نہ ہونے کے باعث تمام امیدواروں کو بلا مقابلہ کامیاب قرار دیا گیا ہے۔

نوٹیفکیشن کے مطابق ایڈووکیٹ رستم جان گچکی صدر، ایڈووکیٹ عبدالوہاب ہوت نائب صدر، ایڈووکیٹ گل سمین جنرل سیکریٹری، ایڈووکیٹ عابد عمر بلوچ جوائنٹ سیکریٹری، ایڈووکیٹ ریاض احمد لائبریرین اور ایڈووکیٹ عبدالوہاب فنانس سیکریٹری منتخب ہوگئے ہیں۔

یاد رہے کہ ڈسٹرکٹ بار ایسوسی ایشن کیچ کے کابینہ کی مدت ایک سال ہوتی ہے، اس سے قبل کہدہ عنایت اللہ دشتی ایڈووکیٹ کی سربراہی میں سابقہ کابینہ اپنی آئینی مدت پوری کرنے کے بعد ختم ہوئی تھی۔