سرداری نظام کے خاتمے پر تقریر برداشت نہ ہوئی، جان بوجھ کر کورم کی نشاندہی کی گئی، مولانا ہدایت الرحمان بلوچ

کوئٹہ: مولانا ہدایت الرحمان بلوچ نے الزام عائد کیا ہے کہ وہ سرداری نظام کے خاتمے پر بات کر رہے تھے کہ اپوزیشن لیڈر یونس عزیز زہری نے ان کی تقریر برداشت نہیں کی اور جان بوجھ کر کورم کی نشاندہی کرکے اجلاس ختم کروا دیا۔

مولانا ہدایت الرحمان بلوچ کے مطابق ڈاکٹر عبدالمالک بلوچ نے بھی اس معاملے میں یونس عزیز زہری کا ساتھ دیا۔ انہوں نے کہا کہ سرداری نظام کے خاتمے کے حوالے سے بات کرنا ان کا مؤقف تھا، تاہم ان کی تقریر کے دوران کورم کی نشاندہی کرکے اجلاس ختم کروا دیا گیا۔

انہوں نے اس اقدام پر تنقید کرتے ہوئے کہا کہ سرداری نظام جیسے اہم موضوع پر بات کرنے کے دوران اجلاس کا ختم ہونا افسوسناک ہے۔