وطن سے وفاداری؛ فتنہ الہندوستان سے وابستہ افراد سے اہلخانہ کا اعلانِ لاتعلقی

پنجگور میں کالعدم تنظیم بی ایل ایف سے وابستہ ارشد گند کے اہلخانہ نے پریس کانفرنس کرتے ہوئے اس کی تنظیم سے وابستگی پر شرمندگی کا اظہار کیا اور ریاست پاکستان سے معافی مانگ لی۔

اہلخانہ کے مطابق ارشد گند 2025 میں پیسوں کی لالچ میں کالعدم تنظیم کا سہولت کار بنا، جس کے بعد وہ تنظیم میں شامل ہوگیا۔ اہلخانہ نے بتایا کہ ارشد گند 14 ستمبر 2026 کو سیکیورٹی فورسز کی کارروائی میں مارا گیا۔

پریس کانفرنس کے دوران اہلخانہ نے ارشد گند کی تنظیم سے وابستگی پر افسوس کا اظہار کرتے ہوئے کہا کہ وہ اس عمل سے لاتعلقی کا اعلان کرتے ہیں اور آئندہ پاکستان کے وفادار رہنے کا عہد کرتے ہیں۔

اہلخانہ کا کہنا تھا کہ وہ مملکت پاکستان کے وفادار رہیں گے اور کسی ایسے راستے کا حصہ نہیں بنیں گے جو ملک کے خلاف ہو۔